“Ngà nø gø̀nshaq zidòng lòng ǿngàe.
Wekvt angmaqí Ang svng, “Wedø íni nøngmaqí yà:ngì nø Nà svng kv́mlv́m dvpvt kapà shálv́m mvshv́lpvrá èwàòni ma? Pà tiq pv̀n èwàò ni ma? Kàru taq ‘A:ngí muqlàng kèní zidòng angmaq svng zí yà:ngà,’ wa nø vrū yà:ngà dø, nøngmaq vkop vkàngmaq nø rvgaq mvgūng móngø manna zidòng v́m yà:ngì,” a:lòe. Wekvt Yesuí angmaq svng a:lò we nø, “Ngàí kàdøng v̄la:tnìni, muqlàng kèní zidòng èzí yv̀ngshà pè nø Moshi mø̀í; muqlàng kèní zidòng mvdø̀ng lòng èzínøng pè nø Ngà Vpè mv̀ng íe. Kadø íe wani muqlàng kèní lāshì daqì nø, rvgaq tø̀m vsvng kaq gø̀nshaq dvcúnaò pè wepè nø Gvray Ang zidòng íe,” a:lòe.Wervt angmaqí Ang svng, “Vkàngpèá, akvt kèní nø zidòng welòng nøngmaq svng mànārnār èzísha lè,” a:lòe. Wekvt Yesuí angmaq svng, “Ngà nø gø̀nshaq zidòng lòng ǿngàe. Ngà kaq di ra vsvng wegǿ nø kadvgvp gø svrí mvshì long; Ngà svng kv́m gǿ ang gø, dvciqciq mvbál long.
