Yesu dvtvn shì we( Yohan 21:1-14 )

Kàngpè Yesu nvng tiqdø (3) nøng døp cvn nø cvnshì we coqcvnrì Yesu shì bø’ì mèpvng angmaq nønt cvm weí vzvng vde de wàyvng shǿmgún ngā dvgøpke we bvnlì svng vtvnge. Weyaq chvpgá ngā dvgøpkeni gø ngā mvlúnò. Cøngdø we yaqdøng taq Kàngpè Yesu mv-vl rvt íe.

Gá daqì dvgvp, Yesu nø tì vdàm pa ripme. Inìgø coqcv́nrìí nø Yesu í we màmvshá:lò. Wekvt Yesuí angmaq svng, “Cv̀mré rìé, ngā tvp mèlúnnøng ma?” a:lòe. Angmaqí, “Mvlú:ni,” wa vtá:nòe. Wekvt A:ngí angmaq svng, “Kùngshí vbàng pa svng shǿmgún dègupnø̀ng, wekvt ngā èlún daqnø̀nge,” a:lòe. Angmaqí shǿmgún dvgup bǿà nìnø, shv́l gø mvdá:ngò høq ngā gvzà lún bǿà. (Yohan 21:4-6)

Kàngpè Yesu màbá we tvrà nø cø’ngdø yaqdøng írvt tvrà vmànlvm wa íe. Kámvrm lvm dang mv-vl. Wedø ínìgø Kàngpè Yesu vbá we nø gálong íe. Tvrà vmànlvm mv-vl. Weyaq nø angmaqí pàgø gøp mvlú:nò, ínìgø angmaq svng, “Kùngshí vbàng pa svng shǿmgún dègupnø̀ng, alò dvgvp ngā (135) go dvgup lún bø’à. Gvray Gvsang kaq Kám nø Gvray dvtú kà ta ninø kadangtè dvzaq dvkáng weó bøn mvdaq nigø bønname wa kà Deni tábøshà mòngkà nø sakse íe.