Yuda vsvng rìí Yesu svng ngá:lò we
Yn 10:31-42
Dèni rø vdu we Gvray mòngkà taq Yuda vsvng rìò tø̀ngnø bóy rvtø̀ taq Yesu àng nø Gvray àngcè pè íwe dvng vtànò we dang svng tálúnì wegø íe. Nøngmaqí tálúnì we English kà tiqlòng taq “Walk Your Talk” Nà eshø̀n dø èdi wawe døni vdèí shǿn nàtà:nò wedø tiqdvchá tiqgóng laqyà kèní gø ècv̀:nò wawe lvjøm gø íe. Wedøni Yesu shø̀nwe taq gø ngàí shø̀nò kàrì svng nà maqí tá vtiq lv́m tvrà ínìgø ngàí wàngò we shvla we bv̀nlì tvrà rì svng eyv̀ng nøngnø èkv́m nøng wanø vtàn ráà we íe.
Vsvngrì nø vdèí èshø̀nò we kàrì mvdàm vdèí chvpdvp èwàò bv̀nlì rì mvdàm téwa nøt vyuq we íe. Wedøni èshø̀nò we kà rì nvng chvpdvp bv̀nlì tvrà rì nø vdu vbóng we ímá? wawe svng té wa yv̀ng we gø íe. Shønwe kà nø tiqpv̀n, èwàò we nvng tashorzvr íemá walòng svng téwa yv́ng dvtøp sháò we vsvng rì wa ílonge.
Shønwe kàrì svng mvkám we ínìgø chvpdvp bv̀nlì tvrà svng yv́ng dvtøp nø dvdut sháò we íe. Jò we nvng mvjò lòng svng dvtøp shì ràwe gø íe. Èwàò we bv̀nlì rì mvdàm yv̀ng nø kv́m we nvng vto shì sháò wegø íe.
Pàwálv́m wani shø̀n kà mvdàm chvpdvp bv̀nlì tvrà nø téwa shvla we sakse tiqlòng ílong we rvt íe. Wervtnø nøngmaq shvngbe gø nv̀nggøp kà kèní wa mǿí nø chvpdvp bv̀nlì kèní shvla we rvcángcèrì bǿn lúnlv́m sakse wáshàì we ínìnø vsvng shvngbe nø Gvray àngò shvla we tvrà svng vtoshì nø kv́m lv́m wa íwervt chvpdvp bv̀nlì tvrà, nøt laqyà rì taq shvla dø wáshì lúnlv́m dvzaq shàì.
