Yesu dvcìgùn we nvng Yesu gà:lò we
Mati 1:16, 18-21,24
Shóngshø̀ngwe Pè, Mè, Vnvm, Vchvng maq dèni rø vdu we mòngkà taq Yesu dvcìgùn we nvng Yesu gà:lò we dang svng yv́nglún, dvdam lú:nì wegø íe. Yesu Kristuò àngpè íwe Yoseph nø cipshì nøt vlwe, Nøt tøp nøt vl we nvng àngò lvpat taq Gvray shóngshì we tvrà ku cúnshì dvzaq shì we vsvng tiqgǿ íe.
Àng yøpwe rvtø̀ rì taq høqshaq Gvray àng kàsvng tawe vsvng tiqgǿ íe. Àngtaqkèní Mari nvng lòngzàpè Yesu svng mvkok nø dvkú:m dvté yv̀:ngà wegø íe. Àngní mè svng shø̄m we shvra taq shølò nø gv̀l yv̀ngà. Yoseph í wàráà we dvsházà, mvkok dvdí we bv̀nlì rì nø nøngmaq shvngbe dvpvt gø cvnshì shvla we laqyà, nøt mvsø̀n shvlá rì íwe svng shvdǿm we íe.
Wedangrì shvngbe nø Gvray àngò chutcháng we mvshǿl taq màná dø̀mrø, mvshǿl shøp tiqlòng gø íráì. Nøngmaq rvcáng cèrì taq Yesu Kristu ò mòngzø̀l shømwe tvrà nvng chutcháng we t rà ò taq vbáì we tvrà tiqlòng gø íe.
Cv́m vtang gǿ svng tubúm dvbangshì wenø Yesu Kristu àng kaqsvng tubúm dvbangshì we ni íe wanø̀ mòngkà kèní dètú ráshà wegø íe. Gvray àng bv̀nlì mvtú vrv̀m taqkèní dvzøm, dvbang shìwe mvtú vrv̀m nø vpǿ vtang we bv̀nlì rì ni ílonge. Wervtnø̀ nøngmaqí wá vdu we bv̀nlì tvrà vrv̀lm taq bv̀nlì rì svng wá dvzaq shàì we taqkèní Gvray àng bv̀nlì taq apnúng dvzaq dvkáng shìlv́m wàì.
