Yesu dāng shvkse wáshì rì

Ngà nø Ngà dvpvt shvkse wv́ngshø̀ng we í nìnø, Ngà shvksekà nø mvdìng. s 32 Ngà dvpvt shvkse wáashú nø dvgá tiq gǿ èv́lange. Ang Ngà dvpvt shvkse wáshì lòng gø dìng we Ngàí shángòe.

Vpø’ íwe pèmè vnvmchvngmaq, Dèniò Gvray gvsang Mongkà taq Shvkse wáshìe , wàlong svng angboq angboq tálúnshìe. Shvkse wáshìe walòng nø tiqgø’ gø’ò mvbøn tiqlòng svng Mvjòe, (mø-í ni) Jòe walòng svng dø’ngvng dvtanshì lòng íe. Mvjò nìnø, Mvjò wàlongò ang mvtú svng dvtanshì shø’nshì lòng íe. Jò nìnø, jø’ngjøng Jòe wàlongò ang mvtú nvng tvpwā dvtan nø rìp lú:nràe. Vpè Gvray gvsang ínø longzapè Yesu svng shvkse wáshì nø dvtanòe. Longzapè Yesu Kristu taqkèní gø Vpè Gvray gvsang kaq svng shvkse wáshìe. Tìløp zíshú Yohan ígø Kristu dang Shvkse wáshì yangì. Íni gø, Vkangpè Yesu Kristu ang shvkse wáshì lòng nø téwa Dø’ngvng nø kømzøpmè, Ring vtv’ng íe. Dvnúngshì lòng nvng Dìngman lòng dø’ngvng lúnè, walòng svng yv’nglúnshìe.

Vpø’ íwe pèmè vnvmchvngmaq, Nøngmaq gø Gvray gvsangò àngcø àngcerì, Àng shóngnøntní mvra vdòng kèní chut èchvng bø’shà we Gvray gvsangò rvzvngce rì jø’nggvp í sha lòng svng vpø’ shvringshì sórí Dìngman nø shèr we Kvmnønt tvrà, Shvla we bvnlìrì, V-toq v-tìp we angdang dang taqkèní gø, shóngnøntní shvkse wáshì ra íe, Gá lòng wáshì ra íe, wvng dvshat nø nònggùn zø’ng mvyøngè. Shvngbe svng oqā.