Kadøwa vjúrøtlv́m

Dèniò Gvray Mongkà taq Vkangpè Yesu Hkristu ínø, Vjúrøt lòng nvng àngde nvng nítvp tiqdvng vsvng mvdvm shóngnønt gvlshì lòng nø Nønt shvyv’ngshì lvm nvng Vzaqshì lúnlvm dvpvt dvdú dang íe, wā dvkv’mè. yv’nglúnshìe. Vjúrøt tvleshì lòng nø gvzà ni vchvk nø, gvzà ni kūnga vzàm vl lòng íe.

Pàwàlvm wàni Gvray gvsang nø Dìngman gø’ò vjúrøt Kà svng táā e. Cipshì we í jø’ngjøng ra vchvk dangø vjúrøt lòng vl nigø, ídø’mshì, shá dø’mshì, mà:mpnønt , dvgoq Nønt rì dvnzøng we shvra yv’ngø “Vjúrøt lòng ” nø v-mø:l v-mv’ng sháòe. Shaqcvm lvm, vléshì lvm, mvra rì luq we rvgaqtømò Døngku àngkang angpè angmèmaqí dv’ng, àngdeò Àngcø àngcerì, Cvmrérì dvpvt shvlá vtv’ng lòng zí mvyø’ i nìnø, Shvla lòng nvng kømzøp we gønshaq àngkang Gvray gvsang , nøngmaqò Vpè Gvray ínø nøngmaqò Vjúrøt kūnga shaq svng zø’à, táā lvm nø dvlú íe, walòng svng shvdømè.

Vrá nø, nøngmaq taqkèní Nønt língshì, vwángshì lòng, Dìngman lòng, Cipshì lòng, dvshá zā tubùm dvbvng mvyø’ lòng dang svng Gvray kaq Kvmnønt, shóngnøntní røtshìlvm nø gvzà vchvk ngè wàdang svng gø vkvtdø yv’nglúnshìe, shálúnshìe, shèdø’mì we móngkà íē. Shvngbeí Gvray gvsangò dvshá zā shóngnønt nvng Gvray mongzøl lòng vtoshì laqlúnì. Shvngbe svng Pàmvrà.