Piterí Hkristu vchà:ngò we

Weyv́ng kèní Yesu nø búngá:mì nø, Kesria Pilipi rvgaq rvwári svng gò:ngá:mì. Tvrà ram A:ngí Ang coqcvnrì svng rø:tnò nø, “Ngà kagǿ ǿngà we, vsvngrìí kadø èlv́ne mà?” a:lòe.

Angmaqí vtá:nò nø, ” Tiløp Yohan íe, wàwe vsvng v̄le. Tiqmaq nø Eliya íe, gø wae. Dvgá tiqmaq nø, Kàdvtutshúrì kèní tiqgǿ íe, gø wae.Ø a:lòe. A:ngí angmaq svng , ” Ini, namaqí na; Ngà kagǿ íe, èlv́n shà mà?” a:lòe.

Piterí vtá:nò nø Ang svng , ” Nà nø Hkristu wepè ni èíè,” a:lòe.Wekvt Yesuí ang nø Kristu í we, kagǿ svng gø màdvtálv́m angmaq svng mvgvmkaq dvká:mòe.