Tì mvdv̀mdv̀m Yesu di we

Tì mvdv̀mdv̀m Yesu di we (Mark 6:45-52)

45 Vsvng loksokrì svng Yesuí shvloò nø, Ang coqcv́nrì svng gø wela:ngí ni kùngshí vdòng zv́ngshì nø, kupā Betsayda rvwá sv̀ng Ang vzv̀ngzv̀ng léshì dvzá:ròe. q 46 Angmaq nvng vkàng weó Ang nø vjúrøtlv́m rvt mvrè yv̀ng svng rvlv̀ngá:mì. 47 Døá:mì dvgvp, kùngshí gø̀m nø tìnúng rvwè høq bǿà. Yesu nø vdàm rvgaqø Ang wa v̄le. 48 Nv̀mbø̀:ngí dvtà:ngò rvt, shø̀ rvp dvshà we svng Yesuí yv̀ng bǿà kvt, vsháng vbì rvtø̀ dvgvp, tìnúng mvdv̀mdv̀m angmaq v̄l yv́ng svng Yesu dì ráì nø angmaq shvnvngnvng vlēlv́m dv́nshì we,

49 tìnúng mvdv̀m Ang di we angmaqí yv̀ng bǿà kvt, vshì íe lá:nò nø, chvnvnv́n vkiq lú:ngì. 50Angmaq shvngbeí Ang svng yv̀ng bǿà nø shérvkaq svreá:mì. Angmaq svng tiqdvshaqí Ang kà tv́ngshì nø, “Shaqshaqwa èv̀lnøng; mèsèrenøngni, Ngà ǿngàe,” a:lòe. 51 Kùngshí vdòng sv̀ng Yesu zv́ngshìá:mì kvt, nv̀mbø̀ng gø chàng zø̀lá:mì. Wekvt angmaq nø vtvngshaq rìràá:mì nø dádv̀ng wae. r 52 Pàwálv́m wani to pungwà kíng gǿ svng zidòng shvv́m dá:rà lòng svng gø angmaqí mvcíng mvrà:lò. Angmaq nøt nø shvngarshìe.

Vpø’ íwe pèmè vnvmchvngmaq Mongkà taq, Vkangpè Yesu Ngà øngàe wàe. mèsèrenøngni wā dvkv’mè. (Marko 6:50)taq Nøngmaq svng Galili tìnúng mvdvm bøn bung we mvshøl svng dvtánòe. Dvzvr pè la zúnshì we kungshí gøm nø yaqdøng lvp taq tìnúng rvwe yv’ng vl nø Nvmbøng wà ráì dvgvp pōyaq mvhøt nø dvzaq dvgvngshì dang yv’nglún shìe. Shálún shìe. Vsháng gá lúngì dvgvp Vkangpè Yesu nø tì mvdvm dì nø àngmaq vl yv’ng svng tuq ráì.Íwe svrè Nønt dàn zøng we lvmboqrì í nø Vkangpè Yesu svng mà mvshvlò. Minla íe wā vkíè. Wèrvtø taq Vkangpè Yesu ” mèsèrenøngni Ngà øngàe ” wā nònggùn kūnga zíòe.

Vpø’ íwe vnvmchvngmaq, Yalòng mvbøn pàdø nøngmaqò lvpat taq gø tì kø’ kaq ngvnglvm rvtø rì mvmè vl vdùe. Wè rvtø taqø Nønt bùmlvm rì, Nønt mvgørlvm rì nvng mvjór lvm vhø’mshì nø Gvray gvsang kaq svng vnáshì we rvtø rì vlē. Dèni Mongkà nø nøngmaq gø’ vrvm kaq svng Vkangpè Yesu nø nøngmaq shvnvngø rvtø vrvm vlē. Kàdvgvp gø nøngmaq yv’ngkèní rálshìlvm mø-í, rvtø vrvm jór nònggùn kūnga vzàm ziè, wàdang svng shvdømè. Nøngmaq í mvng nø Gvray gvsang kaq svng yv’ng mvlúnì.

Wervt vle á:mì we nøngmaq lvpatnò rvtø rì yv’ng vhø’m bø’shà dangrì svng Gvray jèjú kèní kadø wā yvklvm rì shvle lún bø’shà mà, wā tiqkvt dvdvm vjáng laqlúni. Gvray gvsangí wá mvlúnò we pà tiqlòng gø mà-vl, nøngmaq kaq svng zí lúnè, dvbvng lúnè wàdang svng mvng rvtø vrvm dvdvmì taqsórí nònggùn lùshàì. Shvngbe svng Pàmvrà.