Døngkupèo mvsøn nvrøm Bank taq Døngku mè la shøpshì ra we mvtú mvmè vl yv’ngkèní (10 ) dang
Vpø’ íwe vnvmchvngmaq, dèni nø, Døngkupèo mvsøn nvrøm Bank taq Døngku mè la shøpshì ra we mvtú mvmè vl yv’ngkèní (10 ) dang svng dvtit tvle nø nònggùn zí mvyøngè.
Døngkumè la, Døngkupèo mvsøn nvrøm Bank taq shøpshì ra we mvtú_
(1) Bvnlì wang taqkèní lo ra dvgvp dvbù nøntni nàtōò. Vkvtdø èwào long nø mvjor we døngkupè dvpvt nònggùn kūnga ci tiqlòng íē.
(2) Àngò bvnlì svng vpø’ shvringà ràe. Yalòng nø shóngnønt mvsøn nvrøm vdòng kèní tubùm dvbvng shì lòng íe.
(3) Dørøm vmpa shø’lkung svng vm v-shòra dø dvcøp dègø’āo.
(4) Àng Nønt Shvrúng lòng svng èsíngào nø dègø’āò. Dè zømò.
(5) Døngku birthday àngni taq, àng kaq svng gvzà dvbù nøntshøm mongzøl dèzvròe.
(6) Àngí wálúnò we bvnlì kūnga vzàm nvng àngò laqyarì svng vpø’ shèringò.
(7) Ang dvja, ang rvtø rì svng yvng nø, banchvk rì pvrvn lúnlvm dvtan leqlúnò.
(8) Àng Nøntlú:m we Bōlong bóy, àng yv’ng mvyø’ lung svng gø èsíngào.
(9) Àngde gø rvtø vrvm yv’ng vnvp døce shvngshvng wā vl ràe. Dvcøp shì ràe.
(10) Àngò angpè angmè ní ( angkø àngni )kaq svng shvlá wā dvzøm weí wá ràe. Shóngshì ràe.
Vpø’ íwe pèmè vnvmchvngmaq Vsvng lvpat taq byōlvm vl pàdø Yòrlvm gø vlē. Tiqkvt kvt øp mvdv’ngshì yv’ngkèní àngdeò rvmja, døngkupè,mè, àngnvm angchvng rì kaq svng gø Nønt bùm dvzvr we, Nønt zá dvzvr we Kà rì svng shø’n vdùe. Vléshì vdùe. Vkvtdø íwe rvtø rì taq àngdeò mvsøn nvrøm vdòng taq vhø’m v-du bø’ì dangrì svng overdraft mø-í lvm , shvlá vtv’ng kà nīmce, mvkok dvdí laqyarì í roqgar nø shøpshì lúnlvm nø mvdøng vchvk we íē.. wàdang svng dvshat taqsórí nònggùn zí mvyøngè. Shvngbe svng Oqā.
