Bóymè kàshvbóng
15 Ang nvng tiqdø v̄m nø námrung rì tiq gǿí kà yalòng tá bǿà kvt, Yesu svng, “Gvray móngdàn taq v́mpà v́m lún vsvng wegǿ nø ìshøt ìgv̀n v̄le,” a:lòe. h 16 Yesuí wepè svng, “Vsvng tiq gǿí nø, v́mbóy mè tiq lòng wàò nø vsvng mvme gōòe. i
17 V́m rvtø̀ høqa:tnà dvgvp, a:ngí ang vshuq tiq pè dvzá:rò nø, tō vgoshaq rì svng, ‘Edi ránøng, akvt nø pàgø tvlú dvgǿ dv́ng bǿshà,’ vl dvzá:ròe.
18 Iwe angmaq shvngbe nø dvcháchá túlshi lú:ngì. Nv̀mlat gǿí nø, ‘Ngàí rvmá tiq hv́ng wv̄n bǿngà nø wehv́ng yv́ng nvng dí ràngv́mà rvt kadø màwá leqchutnange,’ wae.
19 Vrá tiq gǿ nø, ‘Ngàí nungwà pungwà shvgøp wv̄n bǿngà nø, werì vløt nvng svng dø̄nge; ngà svng leq chutnange,’ wae. 20 Vrá tiq gǿ nø, ‘Ngà nø akvtwa zvmì lōngshø̀ng bǿngà rvtnø dí mvlúnò,’ wae. j 21 Vshuq wepè vtv́ng ráì nø angkàng pè svng yarì shvngbe dvtáòe.
Wervtnø̀ chø̀m angkàng pè shv̀mná rí lú:ngì nø vshuq pè svng, ‘Wamà nv̄mdø̄ng hwángrì nvng tvràcèrì svng cancan èdi nø, mvshámhoq dvshà rì nvng hí wūr vzè rì, nēmànrì nvng híshúng rì svng ègoò nø èshøla:tnò,’ a:lòe.
22 Wemèpvng vshuq pèí, ‘Vkàngpèá, Nàí dèkv́mà dø shvngbe wá dv́ng bǿngà we, rúngrà nø wedøni chǿnge,’ a:lòe. 23 Angkàng pèí vshuq pè svng, ‘Ngà chø̀m taq vsvng zø̀nglv́m dvpvt nv̄mdø̄ng tvrà nvng tvrà cèrì svng èdìnøng nø, vsvngrì mvdø̀ng mvdaq dègònga:tnò,’ a:lòe.
24 ‘Kadø íe wani ngàí v̄lvtnøng, vzv̀ng vgoshaq rì tiq gǿí gø ngà shùrkung v́mpà svng tīn mvlúnshì,’” a:lòe.
