Dvshà vsvng kaq mvréza rà we
12 Wekvtrá Ang svng goò pè svng gø Yesuí a:lò we nø, “Nàí vyáng v́mpà, mø̀ínī dørø̀m v́mpà v́mlv́m vsvng ègoò dvgvp, nà rv̀mnvng rì, mø̀ínī nvnvm nvchvng nvrì nvyàng rì, mø̀ínī mvgàmré tiqdv́ng vsvngrì mègōni.
Kadø íe wani, angmaqí gø nà svng vrá ègo nø tvlē nàwv́ngāvtne. 13 Iwe nàí v́mbóy tiq lòng dègø̀ò dvgvp, mvshámhoq dvshà vsvng nvng hí wūr vzē rì nvng híshúng rì nēmànrì svng lè ègōò. f
14 Angmaq nø nà svng tvlē vwv́ngalv́m màdá. Wekvt mv̀ng nàí ìshøt ìgv̀n èlú:nò nø, døngmān vsvngrì zun lōng ni taq nà svng nàwv́ngavtne,” a:lòe.
