Yerusalem dvpvt Yesu nøt dvshà we
31 Wervtø̀ taq Farisirì tiqmaq Yesu yv́ng dì ráì nø Ang svng, “Nà yayv́ng kèní èlo, kadø íe wani Herodní Nà svng shvtlv́m èwāe,” a:lòe.
32 Yesuí angmaq svng, “Edìv́mnøng nø vyit wegō svng; ‘Dènī nvng nvpni nø Ngàí cángrì lùngò nø zarì dvbānòe. Vshø̀m ni wa ní taq nø Ngà bv̀nlì wá dvdv́ng bǿngòe, wae,’ èvl bǿnøng.
33 Wedø ínìgø dèni, nvpni nvng pvngni nø, Ngà shini vzv̀ng kaq dí rànge. Kadø íe wani kàdvtutshú tiq gǿ nø Yerusalem wamà taq mø̀í dø, dvgá yv́ngø shí mvdaq.
34 Yerusalemé, kàdvtutshúri svng èsha:tnò nø, nà yv́ng svng dèzv́rā daq rì svng lú:ngì èwa:pmò we Yerusalemé! Kakú:ngì angchēr gø̀mní lv̀ngpvngø angcèrì svng ku:pmò padø, Ngàí gø nvcèrì svng mvme kvt dvkø̀mònø̀ng gø namaq mv̀ng dvkǿmshi mètánøng. s
35 Wervtnø̀ namaq chø̀mrì nø vhúng dø̀ngjàm gur ráòe. Ngàí namaq svng v̄la:tnìni, ‘Vkàngpè bø̀ng taqkèní di daq pè Ang nø ìshøt ìgv̀n v̄le,’ wa nø mèshø̀nnøng dv́ngte, namaqí Ngà svng vrá mèyv̀ng lóngshà,” a:lòe.
