Kristu Koqkvm Bóy Angni
Daniel 7: 13-14, Dvtan 1: 5-8,
Yohan 18: 33-37,
Ngà nø Alfa lòng nvng Omega lòng ǿngàe (Dvtan 1:8).
- Alfa wawe nø Greek kà taq kèní nvmlvt wawe nøngmaqí lv:ngì we (A) chvng íe.
- Omega walòng nø lvngdøm (z) wawe chvng íe.
Kàngpè Yesuí vrá shøn we nø —
Vrá, v̀l yà:ngì pè gø, v̄l pè gø, dvgáni gø v́ldv̀ng wàlv́m pè gø, Pà gø wá dá:ngò pè ǿngàe,” wae. Vl dángte shvngbe nø ngàtaq kèní pvngshì nø ngà taq kèní dvdánglvm ídaqe.
Kàngpè Yesu nø ang shvni mvgv:lò rvtø kèní kàngpè nø Dawi Koqkvm ang tvle Koqkvm vya svng vto shì lvm dang, Vkàngpèò móngdan nø kadvgvp gø màlēvm, dvciq lvpat koqkv́m wáshì longe. Vrá yaqdø̀ng shø̀ngranrì taq ngàí wedøni dvjaq mv̄nònøng nø, Kulà, Vsvng Angcè dø í we tiq pè nø, muqlàng rvmøtrì taq zúnshì nø dì daqe. (Dvtan 7:13) Ang móngdàn gø vrø̀l vcatlv́m màvl we, dvciq lvpat móngdàn ni íā lú:ngòe.
Vkàngpè Yesu gv̀l bøà mepvng paqzí vdè we Koqkvm vshømpè nø
Koqkv́m angshv́r gv̀l daqà pè kayv́ng v̄le ma? Kadø íe wani Ang kurnip chv̀ng nø nv̀msvr làmø yv̀ng bǿshà rvtnø, Ang svng noqlv́m nøngmaq dì ráshà,” wanø røtnòe (Mati 2:2) taq wàe. Kàngpè Yesu svng Koqkvm vshømpèí kǿng kupshì nø noqòe (Mati 2:11). KOQKV́MRÌ MVDV̀M KOQKV́M, ANGKANGRÌ MVDV̀M ANGKÀNG, íe (Dvtan 19:16).
Pilatní Ang svng, “Wedø íni Nà nø koqkv́m ni èí ma?” a:lòe. Yesuí vtá:nò nø, “Nàí èshø̀:nò døni Ngà nø koqkv́m ǿngàe. Kàngpè Koqkvm íe, ínìgø rvgaq Koqkvm døni mví, dìnglòng dvpvt shvkse wáshìlv́m Koqkvm mvngle íe.
Kàngpèí nø zadan móngdàn svng shvmá:ngò nø Gvray móngdàn svng shvdøng daqòe. Gvrayí øpwe svng nøngmaq nvrøm dùng taq shvdøng lvm tuq daqe. Kàngpè nø Gvray jøngjøng nvng vsvng jøngjøng íe. Nøngmaq tìløp kámshì we rvtø taq nøngmaqò chvng angkàng nvng vdèò lvpat svng øplvm Koqkvm íe wanø ká:mì nø vto bø’shà.
