Angwa nár (30) lvbán October (27)Jeremiah 31:7-9, Hebru 5: 1-6,Marko 10:46-52
Kámnøt wawe nø Gvrayí rvcà:ngò nø dvzvr daqā kàngpè Yesu svng kám we vdèí dvdvm vløm shì we dangsvng jøngjøng bøn lù:nge wa, mvyvng shì nigø kámnøt vlwe svng v:lòe.
Yeriko mvrìng kèní búngá:mì dvgvp, røtnvm we nemàn tiq pè, Timiu angcè Bartimiuò Yesu kristu mvdvm kámnøtní Dawi pvlí pvlaq pèé, ngà svng dvshá èzangàé,” ngà neí yvngshi mvyǿnge,” wanø røt shìweó chvng nà kv́mnø:tní nà svng dèzǿm bǿì,” v:lòe.
Wela:ngí wepè vneí wà vtán yv̀ng lú:ngà nø, tvrà yvnggùng Yesu mèpvng cv̀nòe.
Ang nø shaqcv̀m nø cip vl we í rvtnø, mvsháòrì nvng vléòrì svng kø̄nnø:tní dvsházā sháò we tiq pè íe.
Kàngpè Yesuí vsvngrì Kaq shvngøtnò we rvtø taq nvrøm dùng kèní vshuq wáshì nø dvzømshìlvm shvngøt we íe.
Gvrayí yadø wae, “Yaku rvp dvpvt dèbùnøng nø shaqmèí zàywà èwànø̀ng. Vsvng dvcìrìò vgo zǿmshúrì dvhø̀ taq nakiqnøng nø, shvrīng shvtà we kàí, ‘Yehowaé, mvzā vdā:ngì we Nà bashà Israel cèrì nøngmaq svng èchv́ng daqshàé,’ èwànø̀ng.
Angmaq nø ngø̄ sórí vtv́ng rae; angmaq røt nímshì kà rvtnø Ngàí angmaq svng shø̄lvtnòe. Tìwàngrì shvnvngnvng Ngàí angmaq svng shø̄lò nø, angmaq màdvpshìlv́m dvpvt mvdóng tvràrà shøllv́m íe ( Yeremia 31:7-9)
Aron svng gō yà:ngà dø, Gvrayí gōò vsvng wa mø̀íni Shvrúngshú vgo nø kagǿ gø vdèdè zv́ngshì màshvla; Wedø tiqdvchá Kristu Ang gø, shvrúngshú vgo wáshìlv́m rvt, Ang nø Ang rvcv́ngshì we mø̀í. Ang dang shø̀:nò nø, “Nà nø Ngà cèpè èíe; dèni Ngàí Nà svng shvzat bǿngà,” wa nø vl yà:ngà pèí lè Ang svng shvrúngshú vgo wáshì dvzá:ròe.
Eyv̀ngnøng, tvnū go móng kèní Ngàí angmaq svng shøl dakngò nø, vrúm we rvgaq vtv̄ng mvtúrì taqkèní gø Ngàí angmaq svng dvkø̀mlv́m íe. Nēmàn, vzē lvyòrì, cv̀mré góng írì nvng cv̀mré gv̄lshirì gø tiqdø, dùmø̀n dùshá tiq mvdò yayv́ng svng vtv́ng rāe.
Vrá, dvgá tiqzàng taq gø A:ngí, “Nà nø Melkizedek dvgø̀ng dø ècà:nò nø, dvciq lvpat shvrúngshú èíe,” vl yà:ngà dø tiqdvchá íe (Hebru 5:1-6).
Kám we rvsvngcè tiq gø nø paqzí zidang vháng mvrà, kristu svng kám we nøt nvng shóngnøt vlwe íninø nemàn we Bartimiuò kámnøt dø dong nøt mvcøn tuqlvm vchvk mvdøng íe.Vneí yvng lú:ngà nø Bartimiu nø tvrà yvnggùng Yesu mèpvng cvn bøà dø jèjú vtvngshì oqà wáshà we nøtní shvdiq døng nø tøngtøng wa Yesu mèpvng cvn lvm waì.
