Angwa nár (29) lvbán Oct -20,Esaya 53: 10-11, Hebru 4: 14-16,Marko 10: 35-45
Chutchvng lúnlvm mvshámhoq dvshà we Ang dvpø’rì
Gvrayò døngman we angcø’ angcèrì nvng døngmàn we øpshú du gømzø:rì ílvm dvpvt nø mònggvn taq øp káng we du gvmzør rìí øpmò we dang màbúng nø nøtcøpshì nø dvzømshú nvng vshuq le nvng wáshì ràe, wanø vkàngpè Yesuí shvngøtne.
Kàngpè ò móngdan nø dvgá vsvngrìò dvzømshú nvng vdèò gønshaq mvdvm dvgá vsvngrìò gønshaq chvnglvm ràwe dang íe. Coqcvnrì taq kèní gø wedø ringwe shvra Nà ngø̀rdvgùng móngdàn vdòng koqkv́m rúngtv̀ng taq èrung long ke, ngànínvm svng Nà vbàng pa tiq pè, vgwé pa tiq pè rúng dezv́rshà,” a:lòe.
38 Yesuí angní svng, “Nàní pà èrøtshi we nàníí mèsháshò. Ngàí aq rà we gwìn chv̀ng nàní gø aq èlúnshò ma? Ngà svng èløpmvt we tìløp lòng taq løpshi èngutshò ma?” a:lòe. r 39 Angní nà:mí Ang svng, “Ngutshòe,” a:lòe.
Wekvt Yesuí angní sv̀ng, “Ngà aq lv́m gwìn chv̀ng taq nàní gø jø̀ngjǿng ni aq vdu longe; Ngà svng èløpmvt we tìløp lòng taq nàní gø løpshi vdu longe. s 40 Iwe Ngà vbàng pa vgwé pa taq rúng lúnlv́m lòng nø, Ngàí zí mvlúnò. Kagǿ dvpvt dvgǿaò nìnø, we gǿ dvpvt wa íe,” a:lòe.
41 Yalòng svng wádø tiqcé pèí tá bǿà kvt, Yaku nvng Yohan svng shv̀mná ríe. 42 Yesuí angmaq svng goa:tnà dá:ngí a:lò we nø, “Wv́ngzà dvcì rì svng øpshúrì nø vmíng vkv́ng zø̀:mò we nvng gàmzø̀rìí gø, øp mv̀rshà:mí basha rì svng shvna:lò we namaqí èshánønge. t
43 Namaq nø wedø wáshì mvdaq. Namaq dvhø̀ taq ring we í mvyǿ gǿ nø dvzømshú lè wáshì ràe. u 44 Namaq dvhø̀ taq vgo wáshì mvyǿ gǿ nø, shvngbeò vshuq lè wáshì ràe. 45 Kadø íe wani vsvng angcè pè Ngà gø vsa:ngí leq dèzømvt wvng nø dø̀ng dakngà we mø̀í. Vsvng kaq dvzømlv́m dvpvt nvng Ngà gø̀nshaq nø mvme gǿ dvpvt chv́nglv́m dvpø̀ zíshilv́m rvt mv̀ng dø̀ng dakngà,” a:lòe.
