Narni Dvr
10 Nà nø nà rvmá taq vchuq nǿng mvzí dvyø̀ wø̄n nø dvkø̄mv́m ràe. 11 Shvngøt nǿng taq nø rvmá wehv́ng wá nār ràe.
Wekvt nø nà dvcì vdòng taq dvshà rìí gø v́mlv́m lún lú:ngò nø, angmaqí vchéò rì nø zømwàng vsharì dvpvt v́mpà laq íāò. Nà bìm kùlwàng nvng Zanlúnsá gø, wedø tiqdvchá wá ràe.
12 Nà nø vchuq ni høq bv̀nlì èwā nø, shvngøt ni wani taq nø nārshì ràe. Wekvt nà nungwà nvng lòzèdvcheqí gø nārshì lún lú:ngòe. Nà vshuqmè angcè gø, nà chø̀m taq vl we zaqlè gø shàbānlv́m dvpvt íe.
13 Ngàí namaq svng dvkv́m bǿshà we kà í dv́ngte svng namaqí cv́n lúnlv́m mèsø̄ngnø̀ng. Dvgá mvshá ìnvtrì ang bø̀ng namaqí tǿ mvdaq. Namaq nònggøp kèní dvgá mvshá ìnvt bø̀ng ètǿnøng we kà gø vsa:ngí laq mvtáò.
