Angwa nár (28) lvbán, Oct 13,Shvngøtshú 7:7-11, Hebru 4:12-13, Marko 10:17-30,
Gvray mòngkà nø cúnshì we dang
Kàngpè Yesu svng Gùchvngré mvgàm tiq pèí Shvla we svra pèá, dvciq lvpat gø̀nshaq lúnlv́m rvt ngà kapà wá rànge ma?” wa rø:tnòe.
Yesuí ang svng, “Nàí Ngà svng pàwálv́m shvla we èvlà ma? Shvla we nø Gvray Ang tiq gǿ wa mø̀í nìnø dvgá màvl.
Vsvng mèshvtni; mèdèchapni; mèkø̄ni; mvdìng we shvkse mèwáshìni; vsvng dvrè mèmapni; nvpè nvmè ní svng nàpǿò, wa we dvkv́mkà rì svng nàí gø èsháòe,” a:lòe. Wepèí vtà:ngò nø Yesu svng, “Svra pèá, yadv́ng pv̀n shvngbe nø ngà cv̀mré kèní cv̀nò we íe,” a:lòe.
Vsvng mèshvtni; mèdèchapni; mèkø̄ni; mvdìng we shvkse mèwáshìni; vsvng dvrè mèmapni; nvpè nvmè ní svng nàpǿò, wa we dvkv́mkà rì svng nàí gø èsháòe,” a:lòe. Wepèí vtà:ngò nø Yesu svng, “Svra pèá, yadv́ng pv̀n shvngbe nø ngà cv̀mré kèní cv̀nò we íe,” a:lòe.
Wekvt Yesuí ang svng shóngnø:tní dvjaqò nø,
“Nà taq mvgø̄m we tiq pv̀n shini v̄le, Èlovm nø nàò vl dv́ngte ènā:mò dá:ngí mvshámhoq dvshà rì kaq èzíò.
Wekvt muqlàng taqlapmø pø̀yá pø̀nung èv́la dae. Wedá:ngí Ngà mèpvng ècv̀n ra,” a:lòe. Wedø vkàngpè svng shvla we svra pèá, wa rø:tnò we mvgàm Gùchvngré gø nø Yesuí a:lò kà tá bǿà kvt,
ang mv̀rshv̀m shøt vlíng nø,
nøt yùr sórí loá:mì. Yesuí wá dvzvrò bvnlì svng wá mvlúnò, Ang dvpvt gvza yat we íe. Muqlang móngdan tuqlvm pø’ zaqshøt vdá mvgàmrì nø dvciq lvpat gø̀nshaq lúnlv́m rvzaqe wanø (Marko 10:17-30) taq kàngpèí dvshat we íe.
Vkvt nøngmaqí tá bøshà we mòngkà nø kà gvp anglí kèní Gvrayí kà dvtutshúrì shønò kà, dvbù shvng mòngkà nø kàngpè ò, Ang nønggøp kèní vleámì we (2000) nøng rvtø taq dvshvng yv:ngà we kà íe. Vkvt Gvrayò mòngkà svng ngàò kàshaq kèní namaqí etánøng
Gvray Mòngkà nø cúnshì nø, nònggùn jòr dø dvzaqshì we, vní laplap shvmcí rvt we shv̀m mvdv̀m déò nø, dòngnøt mvsø̀n nvng pvlàcè svng gø, shārø angciq nvng ang mvcì svng gø puq vrà:lò høq déò nø, nø:tní dvda:mòrì nvng gvcvt vjø:nòrì svng gø rvwv̄n vwál ngu:tnòe.
Pv́n yà:ngà we í dv́ngte nø, Ang mv́rdv̀ngø màdvtánshì we tiq pv̀n gø màvl. Vl we í dv́ngte nø, Ang nemv̀rø dèdè chaqdvp tánshie. Nøngmaq mv̀ng nø Ang mv́rdv̀ngø shìpan dvtøpshì rà lōnge.
Vdá mvgàm we ínigø dvshà we ínigø Gvrayí ziwe írvt Gvrayí zí màdu íninø zíràwe mví, nøngmaqí lú:nì we zidang taq nøtshømlvm vchvke. Kàngpè Yesu nvng vsvrvm nìnø kagø’í gø nøtshøm we nøt byò lvm màvl.
