Cáng vtv́ng ra we svng vyáshì rà we
Mvmv́ng vcáng nø vsvng góng kèní kv̄ngshìvm mèpvng, tì màvl rvgaqø dām nø dvná láò we lá mvlún lú:ngà kvt ang yadø wae: ‘Ngà nø ngà búng rángà we chø̀m svng vtv́ngv̄me,’ wae. 25 Ang tuq ráì kvt chø̀m nø dvshérshaq dvcøpshaq í we svng a:ngí yv̀ng bǿà.
26 Wekvt ang vtv́ngv̄m nø, ang mvdv̀mø té mvgv̄m we cáng dvgá shvngøt lòng shøla:tnà nø werì shvngbe gòng nø weyv́ngø v̄lvme. Wekvt vsvng wegǿ mèpvng vl long we laqyà nø, vzv̀ng mvdv̀mø té mvgv̄m we ív̄me,” a:lòe.
A:ngí kà yarì shø̀:nò la:ngí, vsvng loksokrì dvhø̀ kèní svmaré tiq mè nø serwa vkiq sórí Ang svng, “Nà èrí nø nà svng nong dècøq yà:ngì we svmaré mè nø ìshøt ìgv̀n v̄le,” a:lòe. l 28 Yesuí, “Iwe, Gvray mòngkà táò nø cv̀n vsvngrì té ìshøt ìgv̀n v̄le,” a:lòe.
