Kv́mnøt tvrà mvdò vrv̀m vzø̀m vzvp mvngushì we lìpùng svng Yangon myuq taq wáshì bǿì we

Myanmar móngdàn taq vlwe kv́mnøt tvrà mvdò vrv̀m kèní “Màbóng we kv́mnøt tvrà rì kèní mòngzø̀l we tvrà svng” wawe mvtú taq vtoq vtip we lìpùng svng Yangon Myuq “Vmyú dá zatyung” taqø 5.10.2024 ni 1:00 PM kèní 3:20 PM rvtø̀ høqshaq wáshì bǿì we íe.

Tasv̀ng Mà rvwìng lv́m wawe kà vgo taqkèní we lìpùng svng kv́mnøt tvrà mvdò, shvngø̀mré vrv̀m kèní gvsa rì vhøm nø mvngu shì bǿì.

Catholic Sasvna kèní gø gvsa krønmvng ku Fr. John Zaw Min Tun (Ygn), Sr. Flora Kong (SJA), Sr. Gabriela Om Pai (SJA), Sr. Veronica Tial (LWST) maq kø̀mngǿm bǿì.

Vhøm nø mvngushì we lìpùng taq

1. Buddaq kèní ( Dekgvdu Myet Thu )

2. Hindu kèní ( U Kyaw Zin Thant )

3. Christian kèní ( Dr. Myu Win )

4. Islam kèní ( U Hla Win )

maqí vdè dè kv́mnøt tvrà rì kèní shvngøt dvtú we tvrà rì taq tvnùng we mòngzø̀l lv́m tvrà dang mòngkà kèní vtàn bǿà. Christian kèní gvsa íwe Dr. Myu Win ígø kàshǿn vyá shì ràwe nvng Kàngpè Yesu ò cø̀msaq mòngzø̀l we tvrà svng mòngkà ciq rì taqkèní vtàn bǿà we íe.

#Religion #Myanmar #rvamrawang #tripledialogue