October 7 ni nø Catholic shvngø̀mré lìpùngmè (Synod) 2 lvbán wawe tut svng pv́ngshì lv́m dvgǿshì bǿì

7 October 2024

October 7 ni nø Catholic shvngø̀mré lìpùngmè (Synod) 2 lvbán wawe tut svng pv́ngshì lv́m dvgǿshì bǿì we íe. Pope Francis taqkèní dvtú we taq dènila bø̀n we mònggv̀n dvjà rì svng yv̀:ngì nø dvdam dvtøp lv́m, mònggv̀n mòngzø̀l lv́m tvrà dvpvt vjúrøt dvzaqshì lv́m dvtú we íe.

We lìpùngmè taq mònggv̀n vsv̀ng dvcì kà pv̀n vrv̀m kèní shún shìwe nvng shvngø̀mré vdòng rà vchvk we bv̀nlì mvtú rì nvng dvlà rì shvngbe kø̀mzøp nø shvlá vtang dvcøp shvnvp lúnlv́m dang rì svng vra pv́ngshì bǿì we íe.