Myanmar móngdàn taq vl we móng vsv̀ng rì dvpvt gø dvdam nø vjúrøt dvbangā lv́m mònggv̀n svng shvdǿm bǿà
Svrabín koqkv́mpè Francis taqkèní dvtú we taq “dvgùng shvring vpǿ we bv̀nlì tvrà rì shvngbe mvdàm nøt lø̀mlv́m vle. Rvgaq mvdàmø cúnshì we pv́nmv́n dvrè rì shvngbe ò vko vkángrì svng roqgvrā lv́m nvng tiqgǿ nvng tiqgǿ tasv̀ng dvsháza shóngnøt kèní mvkok kewe vsv̀ng mv̀ngpòng mvdò svng vrang dvzaq shàì we vsv̀ng rì bǿn lúnlv́m dvzaq dvkáng shàì” wanø̀ dvtú bǿà we íe.
“Mònggv̀n svng tvrà shølv́m wawe nø dvsháza shóngnøt nvng mòngzøl we tvrà kèní wa laqí dvr” wanø̀ Pope Francis ò dvtú kàru taqkèní vrìng bǿà we íe.
Israel, Palestine nvng Ukraine móng vsv̀ngrì wa mvtaq Myanmar móngdàn taq vl we móng vsv̀ng rì dvpvt gø dvdam nø vjúrøt dvbangā lv́m mònggv̀n svng shvdǿm bǿà. Yesu Kristu ò mvrø̀ we tvrà svng vgám we nø shvla we tvrà íwe nvng dvsháza shóngnøt wawe nø tasvng rvwìng we laqyà mvdàm téwa ngàngdønge. Cømsaq mòngzø̀l we tvrà nø mvjàn rì mvdàm téwa yvngwe tvrà ílv́m wawe vdu vbóng we dvrá svng shvzvt lv́m dvkv́m we íe.
