Dvgá mvshǿl angpvnpvn
39 Wemvdv̀mø A:ngí kàshvbóng kèní rá angmaq svng a:lòe. “Nemaní nø nēmànrì svng tvrà shø̄l ngu:tnòe ma? Wedø shø̄:lò nìnø vní gǿgǿ dv̀ngkø̀r taq màjav̄m ni ma? v
40 Coqcv́n gǿ nø ang svng shvngøtshú gǿ mvdv̀mø rīng we mø̀í. Kø̀mgøm cv̄n dv́ngshi bø vsvng kagǿ gø, ang svng shvngøtshúpè dv́ngte wa í longe. w
41 Nvnvm nvchvng gǿ nē taq v̄l we bv̀lcì svng nø èyà:ngò nø nà nē taq vl we shǿngdø̀m svng nø rá mèyv́ngshi ma?
42 Nà vne taq v̄l we shǿngdø̀m svng dv́ng nà mèyv́ngshi ke, nvnvm nvchvng gǿ kaq, ‘Vnvm pèá, nà nē taq zv́ngshì we bv̀lcì lòng lóngangvtnø̄ng,’ wa nø kadøwa shǿn shvla ni? Nøt vnínøt ècà:nò gǿ nàá, nà vne taqò shǿngdø̀m lòng vzv̀ng èlúshi; wedá:ngí wa nvnvm gǿ ang nē taqkèní bv̀lcì lòng lúālv́m nàí shàn wa èyv̀ng lú:ngòe.
