Gvray tvrà svng bashà rì taqkèní vtànò we
“Gvray jejú mvme shvlē èlúnnøng rì shvlá wa lv́ng sháò vsvng èwáshìnøng nø, jejú kadø èlúnnøng nìnø wedø dèbvngkénøng.” wanø 1 Peter 4:10
Kàngpè Gvray àngò dvsháza shóngnøt svng nøng maqkaq ètánāì we tvrà rì luq luq vlwe taqkèní bashà rì taqkèní gø àngò shóngnøt svng àngò we shóngnøt svng vtànò we íe. Hebru 10:24-25 “Vrá, shóngnøt nvng bv̀nlì shvlá rì taq tasv̀ng tàle nònggùn vzíkélv́m, tiq gǿ nø tiq gǿ dvshatkéì. 25 Vsvng tiqmaq wáshì dø, nøngmaq dvkǿmshàì tvrà nø laq mvna:rì. Kàngpè Angnī welòng tuq yúl mv̄nshì we svng namaqí èshánøng rvtnø téwa yadø nònggùn nàzíkénøng.”
Nøngmaq tiqgǿ nvng tiqgǿ nònggùn vzíké lúnlv́m dvpvt Gvrayí nøngmaq svng ìshøt jejú rì èzíìe. We jejú rì taqkèní tiqgǿ nvng tiqgǿ shóngnøt taq vzø̀:mìnø̀ Gvrayò móngdàn taq kø̀mzøpwe lvpat svng vtoshì lúnlv́m dvzaq shì ràì wegø íe.
“Kadø íe wani nøngmaqí vdè mvshǿl dvshā:ngì we mø̀í. Kristu Yesu nø Vkàngpè í we nvng nøngmaq nø Yesu dvpvt rvtnø namaq dvzømshú íshà we tvrà lè dvsha:ngìe. e 6 Kadø íe wani, “Cǿngcǿng dø vdòng kèní gálòng laq gá daq,” wa nø dvkv́m yà:ngà pè Gvrayí nø, Kristu Ang mv́r kèní yv́ngshì we Gvray Ang pòngbàng ngø̀r we svng shá dvzv́r we gálòng shvyvnga lúnlv́m dvpvt, nøngmaq nøt vdòng taq dègáa daqshà. f 7 Wedø í nìgø vtv̄ng kèní ring we jórnònggùn yalòng nø, nøngmaq taqkèní mø̀í dø, Gvray kèní wa í we dvtan lúnlv́m rvt, pø̀hvp yalòng nø nøngmaq vbā chúngrì taq èv́laìe.” Wanø̀ Dvzv́r Poloí vtàn ráà.
Gvray gvsvngí nøngmaq svng èzíì we jejú kùngà rì nø nøngmaq vdè ò tvrà svng shǿn vtàn lv́m dvpvt mǿí. Yesu kristu ò tvrà svng shǿn vtàn lv́m dvpvt wa íwe dang shvdǿm we íe. Gvrayí nøngmaq svng eshórāì we jejú rì nø nøngmaqí vpǿ shvrìngì we mvwá shàì nìnø yùl yùlcè vmvngvm wegø íe wanø shvdǿm wegø íe.
Mvkø̀m mvzøp we vsv̀ngrì kaq Kàngpè Gvrayí nø jejú ìshøtrì èzíì we àngò àngò dvsháza shóngnøt svng yv̀ngì nø nøt mvsø̀n kùngà rì lúshì lv́m wàì. Nøngmaq tiqgǿ vrv̀m taq dvsháza shóngnøt zángshì lv́m nvng shvlawe bv̀nlì tvrà rì bǿnlún lv́m dvpvt, tasvng nònggùn kùngàrì vzíke lúnlv́m dvpvt màrvwingwe shóngnøt taqkèní tasvng nònggùn vzíke lv́m wàì.
