St. Gregory
Svrabín koqkámpèrì taq kèní tiqpè íyàngì we St. Gregory nøAD 504 nøng Roma móngdàn Batrisia n tiq rap taq kèní gvlyàngà. Àng vsak 35 nøng taq svté mvgàm tiqpè bøn lúngì we ínìgø àngò pø gvmsùngrì shvngbe svng làngònø shvrúng shú jau tiqpè bøn yàngì.
AD 590 nø taq nø St. Gregory svng shvngømrérì shvngbe taq kèní dvkámò we í Svrabín koqkám vyà svng dang yàngà. Nvmlat taq we lòng bvnlì døngjá svng rí mvwáshì we ínìgø àngsvng St. Peter noqngøm tøngnø taq we lòng bvnlì vya svng danga yàngà.
We mèpvng àngnø dvzvŕrìò bvnlì taq mànvr dvzaq shì lúngì. St. Gregory nø tung rung we vsvngrì nvng dvshá mvhoq vsvngrì kaq shvngømré taq kèní gvzà tubùm dvbangshì yàngì we íe. Rome empire gvyaqshì bøìwe mèpvng St. Gregory nø Baberian rìò wvl taq kèní móngdàn vsvngrì kaq roqgvr yàngà pègø íe.
Àngò bat taq kèní noqngøm tvyørì taq Gregorian shøngni Zaywàcè svng láng pvngshì yàngì nø England móngdàn svng gø dvbùshvng bvnlì wa pvngyàngà. St. Gregory nø Gvray dvzvŕrìò dvzvŕ tiqpè ønge wanø kámshì we tiqgø gø íe.
Móngdà taq vna zønlì vkøn we rvtø we lòng taq kèní lutshì lún lvn dvpat vsvng shvngbe tvrínshì nø vjúrøt shì we dvgvp Hadrian lóngbuq mvdàmø muqlàng dvzvŕ Michael nø àngò shvm svng shvm dàngàng vdòng zángòwe nvmik gømla svng dvtan shìwe svng gø yáng lúng yàngà we íe.
Yalòng nvmik gømla nø Gvrayí vrí dam zí lvm kèní shvlut awe nvmik gømla íe wae. We lòng mvmáng dømrø dvpat we lóngbuq mvdàmø muqlàng dvzvŕ kømø hang tiqlòng svng gø wa yàngà. St. Gregory nø AD 604 nøng Roma myuq taq lvpat béyàngì nø shvnshvŕ vsvng tiqgø dang yàngà we íe.
Àngò lvpat mvshøl rìnø mòngàn mvshøl bokrì taq gvzà bøngte we tiqpè gø íe.
