Muqlàng móng gònglv́m kadø wáshi rà we
16 Tiq kvt nø vsvng tiq gǿ Ang yv́ng svng dì ráì nø, “Svra pèá, ngàí dvciq lvpat gø̀nshaq lúnlv́m dvpvt shvla we kapv̀n wá rànge ma?” wae. l
17 A:ngí wepè svng, “Nàí Ngà svng shvlā lòng dang pàwá èrøtnà ma? Shvla we nø Gvray tiq pè wā v̄le. Nà nø gø̀nshaq cúnshìlv́m yv́ng svng góng mèyǿ nìnø, Gvray dvkv́mkàrì svng cv́n dèdø̄:ngò,” a:lòe.
m 18 Wepèí Yesu svng, “Dvkv́mkà kalòng cv́n rà ma?” wa rø:tnòe. Yesuí, “Vsvng shvt mvdaq; dvchap mvdaq; kǿ mvdaq; mvdø̀ng mvmān shvkse wáshì mvdaq; n 19 nvpè nvmè svng vpǿ rae; vrá nà vdè góng svng èshóngshi dø dvgá vsvng kaq shóngshì ràe,” a:lòe. o
20 Gùchàngré pèí Ang svng, “Yadv́ng pv̀n shvngbe nø ngàí cv̀nòe. Ngà pà shini ràng ma?” wae. 21 Yesuí ang svng, “Nà kø̀mgøm mèyǿ nìnø, nà nàdá rì ènā:mò nø dvshà rì svng èzíò.
Wekvt muqlàng taqlapmø zaqshøp èv́lā dae. Wedá:ngí Ngà mèpvng ècv̀n rā,” a:lòe. p 22 Kà yalòng gùchàngré pèí tá bǿà kvt, nøt dvshà sórí loá:mì. Kadø íe wani ang nø pø̀ gvzà vdá we tiq pè íe.
