Vsvng mvgv́m gǿí øp lú:ngò kvt nø bashàrì rvlàe.
Vsvng mvgv́m gǿí øp lú:ngò kvt nø bashàrì rvlàe.
Mvme kvt èngā:nò nìgø lóngjvng zaq gǿ nø, kūng mvngutshi høq tiqdvshaqí gvyøpshì longe. Døngman vsvng luq long kvt nø bashà rì dvbùe. Vsvng mvgv́m gǿí øp lú:ngò kvt nø bashàrì rvlàe. Zitnøt svng shóngshì gǿí nø angpè svng dvbú dvzá:ròe. Góngnv̄m mèla rv̀mnvng wáshì gǿ nø pø̀ dvbēshì longe. Koqká:mí nø dvrá dø ø:pmò lù:ngí móngdàn ngv̀ngdøng dvzá:ròe. Mvyø̀n zōngya svng shaqkaq gǿí nø móngdàn ca:tnòe.
Tiqdv́ng vsvng kaq kà shvláí yù:mò we nø, ang hígánrì taq pvyá ranaò we íe. Svng mvgv́m nø a:ngí vléò lòng taq shvwáshìe. Døngman gǿ mv̀ng nø zàywà wā nø dvbú lú:nòe. Døngman rìí nø dvrvtrì dvpvt nøtna sháòe. Svng mvgv́m rìí nø wedø nøtna mvsháò.
